வாரம் ஒரு கவிதை …” வயல் வெளிகளில் ” !

 

”  வயல்  வெளிகளில் “
……………………..
வயல் வெளியில் முத்து முத்தாக அவன் சிந்தும் வியர்வை
நெல் மணியாக மலரும் நாள்  உழவன் அவனுக்கு  திருநாள் !
ஒரு நாள் திருநாளுக்கு   அவன் படும் பாடு வெளியில்
தெரிவது எத்தனை பேருக்கு ?
உழைப்புக்கு ஏற்ற ஊதியம்   கேட்டு உள்ளிருப்பு
போராட்டம் ,அலுவலக புல்வெளியில் அமர்ந்து !
விண்ணைத்  தொடும் விலைவாசிக்கு இணையாக ஊதியப்
படி கேட்டு “கேட்” மீட்டிங் மற்றும் சாலை வழி மறியல் ! ஆனால்
சேற்றில் கால் வைத்து நாற்று நாடும் உழவனின்
உழைப்பின்  மதிப்பு ….அவனுக்கே தெரியாத  ஒரு கணக்கு !
மண்ணையும் ,தன்னையும்  நம்பும்  விவசாயிக்கு மட்டும்
ஏன் தனி  கணக்கு  அவன் நமக்கு அளிக்கும் நெல் மணிக்கு ?
இரவும் பகலும் உழைக்கும் அவனுக்கும்  வேண்டாமா  அவன்
உழைப்புக்கு சரியான ஒரு ஊதியம் ?  யோசிக்க வேண்டும்
நாம் … வயல் வெளி விவசாயம் அவன் மறந்தால் ,  யாசிக்க
வேண்டும் நாம் நம் உணவை வேறு நாட்டிடம் !
விண்வெளியில் சோதனை பல செய்து சாதனை படைக்கும்
  நாம் ,நம் வயல் வெளியிலும்  சாதித்து காட்ட வேண்டாமா ?
விண்ணைத் தொட்டு  மாற்று கோளிலும் கால் வைக்க
முந்தும்  நாம் நம் மண்ணை பொன்னாக்கும் நுண்ணியல்
விஞ்ஞான அறிவியலை நம்  வயல் வெளியெங்கும்
விதைத்து வளர்க்க முடியாதா என்ன ?
காட்டுவோம் ஒரு நல்ல வழி  நம் வயல் வெளிக்கும் ! செய்து
காட்டுவோம் ஒரு பசுமை தொழில் புரட்சி !  உழவும்  ஒரு  தொழில்
ஆகி நம் உழவனும் பல உழவுத்  தொழிலாளிகளை உருவாக்கட்டும் !
Natarajan
My Kavithai appeared  in http://www.dinamani.com on 8th august 2016
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s