வெறும் பொம்மை பேச்சு அல்ல !!!
ஆண்டு முழுதும் உங்க வீட்டுப் பரண்
மேலே “லாக் டவுனில் ” நாங்க !
நீங்க இப்போதான் ஆறு மாதமா
” லாக் டவுனில் ” !
காற்றாட எங்களையாவது உங்கள் வீட்டுப்
படியில் விட்டு வையுங்க !
எங்க முகத்தில் முகக் கவசம் எதுவும்
மாட்டி விடாதீங்க நீங்க !
இந்த பொம்மை சொல்வதைக் கேளுங்க !
நீங்களும் உங்க நண்பர்களும் மட்டும்
மறக்காமல் முகக் கவசம் போட்டுக்
கொள்ளுங்க !
நிம்மதியாய் இருந்த எங்களை உங்கள்
வீட்டுப் படியில் நிறுத்தி எந்த வம்பிலும்
மாட்டி விட்டுவிடாதீஙக நீங்க !
உங்கள் ஆசைக்கு எண்ணி பத்து
நாள் உங்கள் வீட்டு விருந்தாளியாய்
எங்களை கவனித்து மீண்டும்
உங்கள் வீட்டுப் பரண் மேல்
நல்லபடியாய் ” லாக் டவ்னில் “
நாங்க இருக்க
எங்களை வழி அனுப்பி வைச்சுடுங்க !
அடுத்த வருடம் நீங்களும் “லாக் டவுன் “
பிரச்சனை எதுவும் இல்லாமல் பொம்மைகள்
எங்களை ஒரு நிறைவான மனதுடன்
உங்கள் வீட்டு கொலுப் படிக்கு அழைத்து வாங்க!
வேண்டாம் உங்களுக்கு முகக் கவசம் அடுத்த ஆண்டு!
சுமுகமாக இருக்கும் அடுத்த நவராத்திரி சமூக
இடைவெளி என்று எதுவும் இல்லாமல் !
இது ஒரு பொம்மை பேச்சு அல்ல !
பொம்மையின் வடிவில் அந்த
அம்மன் அளிக்கும் சத்ய வாக்கு !
கந்தசாமி நடராஜன்
Take off with Natarajan 