என் பார்வையில்
=================
குறையில்லை என் பார்வையில் …”பவர் “
குறையவும் இல்லை , ஏறவும் இல்லை !
கண்ணாடி மாற்ற வேண்டாம் எனக்கு !
அதே “பவர் ” அதே கண்ணாடி ! கண்ணாடி
மாற்றும் செலவு மிச்சம் எனக்கு டாக்டர் ,
சிரித்தேன் நான் !
என் மனைவிக்கு ” பவர் ” இருமடங்கு
அதிகம் இப்போது …! கண்ணாடி
“பவர் ” நான் சொல்வது !
குறை ஒன்றும் இல்லை என் பார்வையில்
என்று பாடத்தான் எனக்கு ஆசை !
நிறைவான வாழ்வில் “பவர் ” யாருக்கு
அதிகம் என்பதை சொல்லும் “பவர் “
கண்ணாடிக்கு இல்லையே !
குறை, நிறை இரண்டும் இருக்கும் வாழ்வில்
குறையும் கடந்து போகும் , நிறையும்
கடந்து போகும் !
குறை நிறை இரண்டும் ஒன்றேதான்
என் பார்வையில் !
K.Natarajan
21/01/2019
Take off with Natarajan 