Take off with Natarajan

என் கேள்விக்கு என்ன பதில் ?

தினசரி நாட்காட்டி தாள் கிழிக்கிறேன் 
நான் தினமும் காலை  …கிழிப்பது அதை 
மட்டுமே …ஊரடங்கில் வேறு ஒன்றும் 
கிழிக்கவில்லை நான் !

சொல்லப்போனால்  இன்று என்ன தேதி 
என்ன கிழமை என்று நாள் காட்டி 
சொல்கிறது செய்தி எனக்கு !

ஊரடங்கு முடிய இன்னும் எத்தனை 
நாள் பாக்கி என்றும் தெரியவில்லை !

என் வாழ் நாளில் நான் இது வரை 
கிழித்துக் கழித்த நாள் போக 
இன்னும் எத்தனை நாள்  தினமும் 
தாள்  கிழிக்க வேண்டும் இனிமேல் ?

அதுவும் தெரியவில்லையே எனக்கு 
 என் வீட்டு நாள் காட்டியிடம் உண்டா விடை 
இந்த கேள்விக்கு ? 

கந்தசாமி நடராஜன்