Take off with Natarajan

காகிதக்  கப்பலாக விளையாடும்  ஒரு   காகிதம், கதை ,

கவிதை, பூத்துக் குலுங்கும்  புத்தகமாகவும்  உருவெடுக்கும் !

செய்தி சொல்லும்  ஒரு  செய்தித்  தாளாகவும்  பிரகாசிக்கும் !

ஒரு நல்ல ஓவியனுக்கு காகிதமே  ஓவிய அரங்கேற்ற மேடை !

இணைய தள தகவல் பரிமாற்றம் இன்று இருந்தாலும் இரு

இதயங்களின் அன்பை அழகாக சொல்லும்  ஒரு அஞ்சல் அட்டைக்கும்

வாழ்த்து அட்டைக்கும் இணையாகுமா இணைய தளம் ?

ஒருவர்   வாழ்வின் முக்கிய முடிவுகளும் நிகழ்வுகளும் ஒரு பத்திர

வடிவில் “பத்திரமாக ” இருப்பதும்  அந்த காகித உருவில்தானே  !

புத்தம் புது “கரன்ஸி ” நோட்டுக்கு இணையாக கசங்கிய

நோட்டும் மதிக்கப் படுவதும் அந்த  காகித ரூபாய் நோட்டே !

குப்பைக்கு செல்லாத ஒரே காகிதம் அந்த  காகித நோட்டே !

வெற்று காகிதத் தாள் வெற்றித் தாளாவதும் , அல்லது

வெறும்  குப்பையாக மாறுவதும் காகிதத்தின் கையில் இல்லை  !

வாழ்க்கை என்னும் காகிதத்தில் நாம் வரையும் வரைபடம்தான்

தீர்மானிக்கும் நம் வாழ்க்கை காகிதம் ஒரு வெற்றித் தாளா ?

இல்லை … வெறும்  குப்பையா…?  என்று !