Take off with Natarajan

சேர்த்து வைத்த கனவு…

———————–

காணலாம் கனவு …நீ ..தம்பி.! சேர்த்து வைக்க மட்டும் அல்ல

உன் கனவு ! கனவு நனவாக நீ கட்ட வேண்டும் ஒரு

படிக்கட்டு ..திட்டமிட்டு நீ தாண்டவேண்டும் படிகள் அத்தனையும் !

பெரிதாக யோசி என்று சும்மாவா சொன்னார்கள் நம்

ஆன்றோர்  சான்றோர் ! வானமே உனக்கு எல்லை !

விண்ணில் வெற்றிக்கொடி நாட்ட வேண்டிய  நீ

இந்த மண்ணில் ஒரு வட்டத்தில் மட்டும் சுழல வேண்டுமா ?

தன் கூடுதான் தன் உலகம் என்று ஒரு பறவை நினைத்தால்

இந்த மண்ணிலிருந்து விண்ணில்  அது பறப்பது எப்படி ?

சிறகடித்து பறக்கும் அந்த பறவையைப் பார்த்து நீ

கற்றுக்கொள்  தம்பி..இந்த மண்ணில் மட்டும் அல்ல

விண்ணிலும் வெற்றிக் கொடி நாட்டப் பிறந்தவன் நீ என்று !

உன் கனவு எல்லாம் நனவாக வேண்டுமே அல்லாமல்

சேர்த்து வைத்து மறக்க அல்ல  உன் கனவு !  பார்த்து

நடக்க வேண்டும் தம்பி நீ ! கடக்க வேண்டும் தடைக்

கற்களையும் உன் வெற்றிப் படிகளாக்கி !

வானமே உனக்கு எல்லை …இல்லை உனக்கு

எதுவும் தொல்லை என்று நடுவில் !

My Tamilkavithi in www. dinamani.com  dated 10th Sep 2017

Natarajan