Take off with Natarajan

சாதிக்  கட்சி ஆயிரம் … சாதியின் பெயரில் வாக்கு வங்கி பல்லாயிரம்!

வீதிக்கு வீதி சாதியின் பெயர் சொல்லி அரசியல் செய்ய

தனித்  தனி தலைவர்கள் கூட்டம் ! அவர் பின்னால்

தன்  தனித்துவம் தொலைத்த மனிதரின் ஆட்டம் பாட்டம் !

சாதிக்கப்  பிறந்த  குழந்தைகள் அய்யா ..நாங்க  !

சாதியின் பெயரால் பொசுக்கலாமா எங்க வாழ்வை நீங்க ?

வேதம் ஓதும் சாத்தான் பேச்சுக்கு மயங்கலாமா  நீங்க ?

பாதம் பணிந்து கேட்கிறோம் நாங்க… எங்க  வாழ்வில்

ஒளி வீசும்  தீபமாய் இருக்க வேண்டிய  நீங்களே

சாதித்  தீயாக மாறி  எரிக்கலாமா   உங்க சந்ததியை ?

கருக்கி சுருக்கலாமா அவர்தம் வாழ்வை ?

பணிவன்போடு வேண்டுகிறோம் நாங்க …சாதித்தீ

வளர்த்து நீங்க சாதிக்கப் போவது என்ன அய்யா ?

உங்க சந்ததியைத் தொலைப்பது ஒரு சாதனையா ?

சற்றே யோசியுங்க ! இந்த வேதனை தொடரவேண்டுமா இன்னும் ?

அணைய வேண்டும் அய்யா …சாதித்  தீ !!!…இணைய வேண்டும்

மனித குலம் ஒரே அணியில்  தம் சாதி  மத  பேதம் மறந்து !