வாரம் ஒரு கவிதை …” வள்ளுவம் வாழ்வது எங்கே ? “

வள்ளுவம் வாழ்வதெங்கே ?

வள்ளுவம் வாழ்வது எங்கே…?

வள்ளுவம் வாழ்வது இங்கே அங்கே என்றில்லாமல்

எங்கும் வாழ்கிறது வள்ளுவம் என்னும் வாழ் நெறி தத்துவம் !

தங்கத் தமிழில் வள்ளுவன் தந்த இரண்டு அடி குறட்பாவில்

இல்லாத செய்தி இது என்று இன்று வரை ஒன்று இல்லையே !

மொழி மத பேதம் மறந்து கடல் கடந்தும் பல மொழியில் ,குரலில்

ஒலிப்பது வள்ளுவன் குறள் ஒன்று மட்டுமே !..அன்னை

தமிழுக்கு இருக்காதா பூரிப்பு ? ..இங்கு அங்கு என்றில்லாமல்

எங்கும் நிறைந்திருக்கும் தன் பிள்ளை வள்ளுவனை நினைத்து !

நம் இதயத்தில் இறைவனை வைத்துக்கொண்டு இறைவன் எங்கே

எங்கே என்று தேடவும் வேண்டாம் !

திருக்குறள் நம் கையில் இருக்கையில்

வாழ் நெறி தத்துவம் எங்கே எங்கே என நாம் அலையவும் வேண்டாம் !

Natarajan